NAGTAPOK ang mga batan-ong lideres gikan sa nagkadaiyang sektor atol sa Oro Youth Leaders’ Consultation nga gipahigayon, Abril 4-5, diha sa City Tourism Hall, ning siyudad.

 

Sa maong consultation gibahin ang mga youth sector diin sila gihatagan sa mga kalihukan nga sila maka-brainstorm sa mga issue sa kabatan-onan ug pagsugyot sa mga proyekto ug programa nga mahimong i-implementar sa syudad pinaagi sa Youth Office, Youth Council ug SK Federation.

 

Gani sa maong consultation, gipahinumduman ni Oro Youth Development Officer Lord Saver Centina nga mag-register sa Oro Youth Development Office aron mahatagan sa daghang oportunidad na maka-network sa ubang youth groups.

 

Lakip sa mga sector nga misalmot mao ang Out-of-School youth sector, Faith-based youth sector, Special Advocacy and Cultural Identity-based Youth Sectors, In-School youth sector ug Community-based youth sector.

 

Ang Oro Youth Leaders’ consultation nahimong posible pinaagi sa pagpangulo ni Herna Tano, Co-Chair sa Oro Youth Development Council ug pagpakigtambayayong sa Oro Youth Development Office, Sangguniang Kabataan Federation of Cagayan de Oro, City Education and Development Office ug non-government organization na gitawag og Andam Higala. Tumong niini ang magka-ilhanay ang mga youth groups na nahisakop sa parehas na sektor ug maka-mugna og connection lakip pag-share og ideas sa ‘future projects ug programs.’ (Text and photos by Nica Borja/CIO)