GIHAN-AY na sa syudad pinaagi sa CDO@75 Organizing and Coordinating Committee ang mga nagkadaiyang kalihokan sugod bulan sa Mayo hangtud sa Agosto alayon sa ika-75 ka tuig nga kasumaran sa pagkahimugso sa Cagayan de Oro isip chartered city.

 

Gibutyag ni City Administrator Atty. Roy Hilario Raagas, kinsa co-chairperson kauban ni Mayor Rolando ‘Klarex’ Uy sa gimugna na nga komitiba, nga magsilbing tema sa tibuok selebrasyon ang ‘Mapasigarbuhon sa Kagikan, Madasigon sa mga Damgo’.

 

Sa pagkakaron lakip sa nag-unang mga aktibad sa syudad mao ang National Flag Day Flag Raising sa Mayo 28 diin sa samang adlaw usab ipahigayon ang CDO@75 launching program.

 

Sa Hunyo 12 ipahigayon ang 127th Philippine Independence Day program.

 

Gikatakda usab nga mohatag sa iyang City Mayor’s Term Report si Mayor Klarex atol sa State of the City Address, Hunyo 14.

 

Samtang sa mismong adlaw sa charter day, Hunyo 15 ipahigayon ang 75th CDO Charter Day Commemoration and Flag raising program.

 

Pinaagi ni Chief of Staff Ms. Sheila Lumbatan gipadangat usab ni Mayor Klarex ang iyang pasalamat sa tibuok burukrasya sa city hall kauban ang uban pang ahensya ug mga partner organizations alang sa kalampusan sa mga aktibidad sa ika-75 ka tuig nga pagkahimugso sa syudad. (AGP/Photos by Kim Zaldivar/CIO)