Nanawagan karon si City Administrator Atty. Roy Hilario Raagas sa mga indibidwal, tunghaan, establisemento, pribadong grupo o' organisasyon ning syudad nga naghupot sa karaan, kuspaw, gisi o' daot na nga bandila sa Pilipinas sa pag-turnover niini ngadto sa buhatan sa City Museum o kaha sa City Administrator's Office sa city hall.

 

Sumala pa ni Atty. Raagas adunay ipahigayon nga pinahaom nga seremonyas sa pagsunog sa mga bandila nga dili na mapuslan atol sa National Flag Day commemorative program karong Mayo 28 diha sa hawanan sa Chief Executive House.

 

Pinasikad sa balaod, dili lang basta-basta ilabay ang di na mapuslan nga Philippine flag sanglit adunay gisunod nga protocol o’ seremonyas sa ‘retirement or proper disposal of the Philippine flag’.

 

Samtang, giaghat usab ni Atty. Raagas ang mga katawhan sa syudad sa pag-display sa bandila sa nasud Pilipinas diha sa ilang mga panimalay, buhatan o opisina, establisemento o kaha sakyanan alayon sa pagtamod sa National Flag Day karong Mayo 28 hangtud Philippine Independence Day karong Hunyo 12.

 

(CIO)