MAPASIGARBOHONG mitapos sa National Service Training Program (NSTP) ang 223 ka mga first year students sa City College of Cagayan de Oro bag-ohay lamang.

 

Kini mga estudyante mao ang labing unang batch nga nagtungha ug mikuha og 4 year bachelor courses sa maong tunghaan libre ug dekalidad nga edukasyon ang ilang nadawat.

 

Ang NSTP Badging and Completion ceremony gisaksihan usab sa mga kadagkoan sa City College of Cagayan de Oro diin lakip sa gipasidunggan ang mga partner agencies nga nahimong kauban sa pagpatuman sa libreng edukasyon sa mga kabatan-onan nga buot makatapos og kurso.

 

Lakip usab sa gitanyag sa maong tunghaan ang technical-vocational skills alang niadtong buot makabaton og kahibalo nga makatabang sa ilang adlaw-adlaw nga pagkinabuhi ubos sa Technical Skills and Technology Institute (TSTI). (ACM/CIO Photos by KIM ZALDIVAR)