GIPAHIMANGNOAN pag-usab sa City Health Office (CHO) ang katawhan sa pagmatngon ug kanunay nga pagsunod sa minimum public health standards alayon sa gibantayang Monkey Pox illness sa Mindanao ug sa nasud.

 

Matud ni City Health Officer Dr Rachel Dilla, mipahigayon og monitoring ang ilang buhatan aron malikayan ang pagkuyanap sa MPox sa syudad.

 

“We are monitoring. So far thank God wala tay case sa Region X”, saysay ni Dr Dilla.

 

Apan bisan pa man niini, giawhag sa CHO ang katawhan sa pagsul-ob og face masks sa pampublikong lugar ingon man ang kanunay nga paghugas sa kamot. Dugang pa niini, gipahimangnoan usab sa CHO ang katawhan sa paglikay sa mga binuhing hayop sama sa iro, iring ug baboy nga adunay respiratory illnesses ilabina sa mga laway niini.

 

Dugang ni Dr Dilla, nga mobisita gilayon sa pinakaduol nga health centers kung nakasinati og [aghilanat ug ubang flu-like symptoms sama sa ubo, sip-on, sakit sa kalawasan nga adunay rashes aron mahatagan og saktong tambal. (ACM/CIO)