DUGANG kalampusan ug kadaugan na usab alang sa pagprotehir sa kinaiyahan ang gitunol ni Mayor Klarex Uy nga Waste Water Treatment facility sa Engineered Sanitary Landfill nga nahimutang sa Sitio Buracan, Brgy Pagalungan ning syudad karong adlawa, Hunyo 5 atol usab sa kasaulogan sa World Environment Day.

 

Kini human sa ceremonial turn-over ceremony nga gipangulohan mismo ni Mayor Klarex ug gisaksihan ni Environmental Management Bureau 10 Regional Director Reynaldo Digamo sa Department of Environment and Natural Resources (DENR).

 

Sa mensahe ni Mayor Klarex iyang gipasalamatan si Director Digamo sa suporta ug tabang niini sa syudad sa maong proyekto ug sa makanunayong pagiya sa kalampusan niini.

 

Ang turn-over ceremony gisaksihan usab sa mga department managers ingon man barangay officials sa Brgy Pagalungan.

 

Ang waste water treatment facility maoy moproseso sa leachate o duga sa basura nga gidala sa landfill.

 

Matud ni Engr Armen Cuenca, hepe sa City Local Environment and Natural Resources Office (Clenro) nga mokabat sa 300 cubic meter nga leachate ang maproseso matag adlaw sa maong treatment facility.

 

Dugang ni Cuenca kini nga facility usa nga nakapahimo sa sanitary landfill sa syudad nga compliant sa mga regulasyon sa DENR-EMB. (ACM/CIO Photos by JOMAR FIGURACION)