Gidayeg ug gipasalamatan ni City Schools Division Superintendent Dr. Roy Angelo Gazo ang kusganong suporta sa administrasyon ni Mayor Klarex Uy sa pagpalambo sa edukasyon nga miresulta sa taas nga basic literacy rate sa dakbayan sa Cagayan de Oro.

 

Kini human gipasigarbo ni Dr. Gazo atol sa tigom sa Local School Board kon LSB, adlaw'ng Huwebes, Hunyo 5 ang kadungganan nga naangkon sa Cagayan de Oro isip Top 2 highly urbanized city sa tibook nasud nga adunay taas nga basic literacy rate.

 

'With this recognition, I am very appreciative and thankful to the strong support of the city government under the leadership of Mayor Klarex Uy. Definitely, this is a product of our collective efforts to elevate education to greater heights', pamahayag ni Dr Gazo.

 

Ang rekognisyon naangkon sa Cagayan de Oro basi sa 2024 Functional Literacy, Education, and Mass Media Survey (FLEMMS) nga gipagula sa Philippine Statistics Authority (PSA), diin mitala ang syudad og 96.1 basic literacy rate. (CIO)