SA tinguha nga mahimong rabies-free ang syudad ubos sa administrasyon ni Mayor Rolando `Klarex’ Uy gihingusgan sa City Veterinary Office ang pagpatuman sa programa nga “Oplan: Bakuna Kontra Rabies sa Barangay”, usa ka high-density anti-rabies vaccination drive.

 

Niadtong bulan sa Mayo mokabat 8,293 nga mga binuhing iro gikan sa Barangays Agusan (1,495), Lumbia (2,148), Tablon (2,281), Patag (997), ug Puntod (1,372) ang nabakunahan og anti-rabies sa mga personahi sa City Vet human ilang gidala ang serbisyo sa maong mga barangay.

 

Gipasabot ni City Veterinarian Dr. Helen Ann Tacandong nga tumong sa nasangpit nga programa nga maproteksyonan ang komunidad batok sa hulga sa rabies.

 

Alayon niini, gipasalamatan ni Dr. Tacandong ang mga responsible’ng pet owners, ug mga barangay officials nga nagsuporta sa maong programa nga gipatuman sa syudad pinaagi sa City Veterinary Office.

 

Karong adlawa Hunyo 10-11, 2025, anaa sa Barangay Bulua ang team sa City Vet alang sa anti-rabies vaccination ug magpadayon kini sa Hunyo 13, 16, ug 17 sa nagkadaiyang lugar sa maong barangay. (ALR/CIO)