DUNGAN nga gipahigayon karong adlawa, Hulyo 4 ang People’s Day ug advanced birthday ni Mayor Klarex Uy nga gipahigayon dinhi sa City Hall Quadrangle.

 

Atol sa People’s Day, gipang-apod-apod ang kasagarang serbisyo nga matagamtam matag People’s Day sama sa pagpanghatag og kape ug arroz caldo uban sa pagtanyag sa mga serbisyo sa mga nagkadaiyang buhatan sa city hall.

 

Samtang, libreng ice cream, popcorn, cotton candy ug bugas usab ang gipang-apod apod isip pagsaulog sa birthday ni Mayor Klarex Uy.

 

Usa sa highlight karon nga People’s Day ang pagbisita sa Heart Warriors Beneficiaries nga sila John Clement Rajal ug Krishna Perang kinsa nagpadayag sa ilang pasalamat ni Mayor Klarex Uy sa pag-sponsor sa pagpa-opera sa ilang kasingkasing.

 

Sa laing bahin, gipasalamatan ni Mayor Klarex Uy ang katawhan kinsa misalmot sa People’s Day uban sa mga departmento nga nagpaluyo niini.

 

Ang pagbalik sa People’s Day ning adlaw nagsilbing ‘comeback’ sa sinugdanan sa ikaduhang termino ni Mayor Klarex Uy.

 

Tumong niini nga mapadayon ang tinguha sa mayor nga mapaduol ang serbisyo sa gobyerno ngadto sa katawhan. Kini usab agi’g pagpasalamat sa mayor sa Ginoo sa pagsaulog sa iyang adlaw’ng natawhan. (NLB/CIO/photos by Reynan Baylin/CIO)