GIPAHIGAYON sa City Disaster Risk Reduction and Management Council ang 2nd quarter monitoring & evaluation alang sa Local Disaster Risk Reduction & Management Plan ug LDRRM Fund Investment Plan, Hulyo 7, 2025 diha sa City Tourism Hall.

 

Ang kalihokan gipangulohan ni CDRRM Department Manager Mr. Nick Jabagat ug gisalmotan sa nagkadaiyang mga buhatan sa City Hall, nasudnong ahensya, pribadong sektor, academe ug uban pang partner organizations ug stakeholders.

 

Laraw sa M&E nga masubay ug matakdo ang mga programa, proyekto, ug aktibidad nga nalatid sa LDRRMP ug LDRRMFIP nunot sa thematic pillars nga disaster prevention & mitigation, disaster preparedness, disaster response & early recovery, disaster rehabilitation & recovery.

 

Atol sa kalihokan gipadangat ni Mayor Rolando ‘Klarex’ Uy, pinaagi ni City Administrator Atty. Roy Hilario Raagas, iyang pasalamat sa tanang mga mitambong alang sa maong katuyoan.

 

Gihingusgan ni Atty. Raagas ang kamahinungdanon sa ‘collaborative effort’ sa matag stakeholder alang sa pagpalambo sa DRRM strategies sa dakbayan. (AGP/Photos by Jomar Figuracion/CIO)