NALAKIP ang Public Employment Service Office - Cagayan de Oro ubos sa highly urbanized city category nga nahimong regional winner alang sa gipahigayon nga 2024 Search for Best PESO nga gipasiugda sa Department of Labor and Employment Northern Mindanao.

 

Mismo si PESO Manager Ms Kathleen Kate Sorilla ang personal nga midawat sa maong pasidungog.

 

Dumdoman niadtong Hulyo 2 gipahigayon ang final regional judging nga gipangulohan ni DOLE Regional Director Atty. Joffrey M. Suyao agi’g pag-ila sa mga paningkamot sa PESO & Job Placement Bureaus sa rehiyon alang sa employment facilitation ug uban pang programa sa ahensya.

 

Kauban ang PESO sa ubang LGUs, motigi ang PESO-CDO alang sa 2024 National Search for Best PESO atol sa National PESO Congress karong bulan sa Oktubre.

 

Alayon niini mapasalamaton si PESO Manager Sorilla sa hugot ug makanunayong suporta ni Mayor Rolando Klarex Uy pinaagi sa RISE Development agenda niini sa programa sa buhatan. (AGP/Photo courtesy of DOLE-X)