MALAMPUSONG gipahigayon ang pinakaunang 'Walk for a Cause' alang sa pagsaulog sa 47th National Disability Rights Week, Hulyo 20, diha sa Rio de Oro Boulevard, ning siyudad.

 

Ang maong 'walk for a cause' gitawag og "Walk and Roll": A stride for inclusion for a more inclusive future for Persons with Disability."

 

Kini gisalmotan sa kapin 300 ka mga residente ning siyudad kinsa mga Persons with Disabilities (PWD) uban sa ilang pamilya, nagkadaiyang barangay, PWD organizations ug mga PWD rights advocates.

 

Nasayrang ang maong kalihokan inisyatiba sa Cagayan de Oro Federation of Persons with Disability (CAFEDPA) ug Persons with Disabilities Affairs Office (PDAO) ug ang ang 'proceeds' niini mapadulong sa 'operational expenses' sa Cagayan de Oro Federation of Persons with Disability. (NLB/CIO/photos by Jhoanne Abejo/CIO)