ALAYON sa gihingusgan sa administrasyon ni Mayor Rolando `Klarex’ Uy nga luwas ug limpyo nga mga produkto nga mapalit sa katawhan diha sa kamerkaduhan ning syudad, gipailawom sa seminar kalabot sa Guidelines in Hygienic Handling of Meat ang mga vendors sa Puerto Public Market bag-ohay lamang.

 

Tumong sa maong kalihokan nga hatagan og dugang kahibalo kalabot sa insakto nga meat handling practices ang mga mamaligyaay og karne sa Puerto market aron masiguro ang luwas ug maayong panglawas sa publiko.

 

Ingon man mapalambo ang usa ka limpyo, luwas, ug responsible nga merkado dili lang sa katawhan sa Barangay Puerto apan sa kinatibuk-ang komunidad sa syudad sa Cagayan de Oro.

 

Ang seminar nagmalampuson tungod sa hiniusang inisyatiba ug kooperasyon sa mga kadagkoan ug personahi sa City Veterinary Office, City Economic Enterprises and Business Development Administration (CEEBDA), Puerto Market Branch Manager, ug City Health Office. (ALR/CIO/Photos from CEEBDA)