World Health Organization
Department of Health 
SOBRA 100 contingents ang gibana-banang mosalmot sa Higalaay Civic Military Parade and Float Competition karong Agosto 27, 2025 isip usa sa mga core events sa Higalaay Festival 2025, alayon sa kasaulogan sa kapistahan ni Senyor San Agustin ang patron sa Cagayan de Oro.
Atol sa gipahigayon nga coordination meeting nga gipasiugda sa City Tourism and Cultural Affairs Office karong adlawa, Hulyo 22, pasiunang gihisgotan ang paghan-ay sa seguridad sa mga contingents ug sa publiko nga mosaksi sa tinuig nga kalihokan.
Gipahibalo usab ang publiko nga kutob na lang sa Agosto 8 ning tuig ang registration alang sa mga buot mosalmot sa civic military parade and float competition.
Lakip mitambong sa tigom ang mga personahe gikan sa nagkadaiyang buhatan sa city hall kauban ang Bureau of Fire Protection, Cagayan de Oro City Police Office, ug Task Force Oro.
Alang sa dugang kasayuran mahimong mobisita sa Higalaay Festival official facebook page ug sa official website, www.higalaayfestival.com
(AGP/Photos by Kim Zaldivar/CIO)
