GILUSAD sa City College of Cagayan de Oro – Technical Skills and Technology Institute (CCCDO-TSTI) ang Night Caravan Klarex nga Skills Training sa kabarangayan aron paghatag og kahigayonan sa mga kabatan-onan ingon man sa mga buot mokat-on og technical-vocational skills nga libre.

 

Ang Klarex nga Skills Training gipahigayon sa Brgy Lapasan ug Kauswagan diin tumong niini nga mapakita ug mahatud mismo sa tugkaran ang gianyag nga mga vocational skills sa maong tunghaan ug pagdani sa katawhan nga mo-eskwela ug magtuon niini alang sa panginabuhian.

 

Tinguha sa TSTI ang paghatag og suporta sa lokal ug global development ug kaarangan usab sa panginabuhian sa Kagay-anon diin usa usab sa flagship program ni Mayor Klarex Uy.

 

Ang Night Caravan mobisita usab sa Brgy Tablon karong Hulyo 25, Brgy Bayabas sa Hulyo 29 ug Brgy Puntod sa Hulyo 31 matag alas 6:00 sa gabii hangtud alas 9:00 sa gabii. (ACM/Photos by JHOANNE ABEJO/CIO)