GIPASIDUNGGAN ang nagkadaiyang scholar organizations ug scholar leaders sa City Education and Development Office (CEDO) atol sa Kinanao 2025, Hulyo 25, nga gipahigayon sa City Tourism Hall, ning siyudad.

 

Lakip sa mga gipasidunggan sa scholar organizations ubos sa School-based Outstanding project category ang PCCOSO Business Booth ug Organization of SPCian Oro Scholars sa Southern Philippines College. Samtang sa Community-based Outstanding project category ang Project Wash and Learn ug ISDA Kauswagan Association.

 

Outstanding cluster-based organization ang ISKOSKWELA: Study Buddy ko si Isko ug Cluster D nga gilangkoban sa Barangay Balulang, Camaman-an, Indahag, Macasandig ug Nazareth. Exemplar Awardees usab ang Project 3K ug University City Scholars.

 

Samtang sa individual awards, nasakmit nila Howard Christian Aranar ug Kathleen May Paid ang award na Exemplar Awardee.

 

Outstanding Volunteers of the Year usab sila si Angelie Luayon, Christian Jhune Villapaz, Kathleen May Paid, Mairi Sian Verula, Jancee Cyril Escara, Michael John Llovia ug Joseph James Cañete ug Pablo Magtajas Leadership Awardee si Lovely Mae Cabodbod.

 

Sa laing bahin, mihatag sa pahinungod ang CEDO alang kang kanhi Committee on Education Chairperson City Councilor Suzette Magtajas-Daba alang sa mga kontribusyon niini ilabina ang pagpalapad sa City Scholarship Code of 2018.

 

Mismo si CEDO Acting Department Manager Richel Petalcurin-Dahay, Committee on Education Chairperson City Councilor Moreno ‘Jing’ Daba IV, City Councilor Des Dahino, City Councilor Antuy Roa-Pascual, City Councilor George Christopher Goking uban sa mga partner offices sa city hall, Department of Education ug partner agencies ang mitunol sa mga awards.

 

Ang Kinanao Awards usa ka tinuig nga awarding ceremony isip pag-ila sa matag scholar leader kinsa nag-excel isip scholar leader ug scholar organization sa ilang mga kontribusyon sa academe ug komunidad. (photos by Reynan Baylin, Roel Felicitas and Nica Borja/CIO)