PORMAL nga milagda og Memorandum of Understanding (MOU) si Mayor Klarex Uy tali Xavier University-Ateneo de Cagayan College of Engineering - Department of Chemical Engineering alang sa “OPTIMIZING URBAN SUSTAINABILITY: Empowering Cagayan de Oro City with smart decision support for waste-to-energy (SWEEP CDOC) project”, Hulyo 25.

 

Lakip sa milagda sa MOU si Fr. Mars P. Tan, S.J., president sa Xavier University-Ateneo de Cagayan diin kini gisaksihan ni City Local Environment and Natural Resources Office (CLENRO) Department Manager Engr. Armen Cuenca, City Management Information Systems and Innovation Department (CMISID) Department Manager Zelfred Anthony T. Cocon, XU Vice President for Social Development Engr. Dexter S. Lo, XU College of Engineering Dean Christine May C. Salvaloza ug SWEEP CDOC Project Leader Dr. Maria Theresa Isla-Cabaraban.

 

Mipakita usab sa iyang hugot nga suprorta si City Councilor Roger Abaday kinsa kanhi Committee on Environment Chairperson ug mao gayud ang nangulo sa pagduso sa MOU ngadto sa city council uban ni kanhi City Councilor Jay Roa-Pascual.

 

Ang SWEEP CDOC, usa ka proyekto sa XU Chemical Engineering Department ubos sa Department of Science and Technology - Philippine Council for Industry, Energy, and Emerging Technology Research and Development (DOST-PCIEERD) Grants-in-Aid nunot sa Smart Cities Roadmap.

 

Kini naninguha nga malakip ug masusi ang integration sa waste-to-energy (WtE) solutions gamit ang smart urban planning strategies.

 

Kini usab naglangkob sa pagamit sa husto sa resource utilization aron mas mapalambo ang energy efficiency, makatabang sa pagkunhod sa environmental impact, ug pag-promote sa sustainable development pinaagi sa interdisciplinary collaboration ug technological advancements.

 

Ang Waste-to-Energy (WtE) nagtudlo sa range of processes nga ga-convert sa nagkadaiyang waste into usable energy sama sa municipal solid waste (MSW), industrial waste, agricultural residues, ug ubang klase sa non-municipal waste.

 

Nasayrang ang LGU-CDO mao’y mohatag sa municipal solid waste data ug urban development information sa XU Chemical Engineering Department.

 

Sila usab mag-tabang og tumbok sa suitable sites for the deployment and testing sa WtE Decision Support System (DSS) ug ubang related technologies.

 

Gawas niini, ang LGU-CDO mao ang mohatag og technical support pinaagi sa pag-provide og technical personnel gikan sa CMISID, CLENRO nga motabang sulod sa duration sa proyekto; magprovide og transport sa SWEEP CDOC project team, LGU personnel, equipment padulong ug gikan sa city landfill site ug ang LGU-CDO mao usab ang magbayad sa kurente, tubig, internet, ug uban utilities na magamit sa pag-operate sa matumbok na demonstration WtE facility; magbayad sa magasto sa Focus group discussions (FGD) and/or key informant interviews (KII) uban sa stakeholders, urban planners, policymakers, and local communities ug uban pa.

 

Ang maong proyekto gilaumang molungtad sa duha ka tuig. (NLB/CIO/photos by Kim Zaldivar/CIO)