PERSONAL nga gitunol ni Philippine National Volunteer Service Coordinating Agency Executive Director Donald James Gawe ang Volunteerism Local Learning Hub (VLLH) marker kang City Mayor Rolando ‘Klarex’ Uy, atol sa People’s Day, Agosto 6, 2025 diha sa City Tourism Hall.

 

Nasayran tuig 2024 nasakmit sa kagamhanang lokal sa Cagayan de Oro sa Uy administration ang kadungganan isip Volunteerism Local Learning Hub nunot sa mga programa ug kalihokan nga nag-agni sa diwa sa bolunterismo isip kabahin sa stratehiya sa kalamboan.

 

Dumdoman pinaagi sa executive order ni Mayor Klarex gimugna ang Volunteerism and Active Citizenship Program ubos sa buhatan sa Community Affairs Office ingon man ang pagsiguro nga matag buhatan sa city hall adunay natudlo nga mga volunteerism focal person sa tuyo nga masukip sa mga proyekto ug programa ang kalihokan sa bolunterismo. (AGP/Photo by Jhoanne Abejo/CIO)