MIKABAT sa 1,892 ang nakabenepisyo sa People’s Day ni Mayor Klarex Uy adlaw’ng Miyerkules, Agosto 6, nga gipahigayon sa City Tourism Hall, ning siyudad.

 

Atol sa People’s Day, gitanyag ang nagkadaiyang serbisyo sa buhatan sa city hall sama sa pagpanghatag sa libreng wheelchair, champorado, pag-cater sa nanginahanglan og cash assistance, job applications ug uban pa.

 

Ang People’s Day gihimo agig personal nga pagpaminaw ni Mayor Klarex sa mga panginahanglanon sa mga Kagay-anon.

 

Nasayra’ng ang People’s Day sa city hall ipahigayon matag Miyerkules sa bulan ug dal-on sa mga mosunod nga Lunes sa mga kabarangayan. (NLB/CIO/photos by Jhoanne Abejo/CIO)