GIBUKSAN sa LGU- CDO pinaagi sa City Nutrition Committee ang National Breastfeeding Month, Agosto 6, diha sa Macasandig covered court, ning siyudad.

 

Atol sa kick-off activity, gipahigayon ang milk-letting activity diin mikabat sa 1,200 mL ang natigom nga gatas sa inahan gikan sa 35 ka nagpasuso.

 

Gihisgotan usab ang kalabot sa kamahinungdanon sa nutrisyon atol sa pagburos ug exclusive breastfeeding, complementary feeding sa first 1,000 days, Pinggang Pinoy alang sa lactating mothers ug dental care alang sa mga lactating mothers.

 

Ang tema ning tuig sa National Breastfeeding month mao ang Prioritize Breastfeeding: “Create Sustainable Support Systems.”

 

Nasayra’ng ang kick-off activity gipaluyohan sa City Gender and Development Committee, Macasandig Barangay Council, JR Borja General Hospital ug Lourdes College Bachelor of Science in Nutrition and Dietetics Interns.

 

Tumong niini ang madugangan ang kahibalo sa mga buros ug nagpasuso nga mga inahan sa saktong paagi sa pag-atiman sa ilang mga anak. (NLB/CIO/photos courtesy of CNC)