MALAMPUSONG gipahigayun ang labing unang pageant nga Search for IP Cultural Ambassador and Ambassadress 2025 tali sa Indigeneous Peoples (IPs) sector sa Cagayan de Oro, Agosto 9, diha sa City Tourism Hall, ning siyudad.

 

Sa maong pageant, gipasidunggan isip pinakauna nga IP Cultural Ambassador si Jude C. Jabiniar gikan sa Tacatcu Ancestral Domain ug IP Cultural Ambassadress si Tetche Aculan Cabaring gikan sa Nahilaran Ancestral Domain.

 

Samtang first runner up si Claudio C. Dablio gikan sa Patulangon Ancestral Domain ug si Mia Mae Manrique Jabiniar gikan sa Tacatcu Ancestral Domain.

 

Napili usab isip 2nd runner up si Ranly R. Cabaring gikan sa Nahilaran Ancestral Domain ug Devina Arloue Mae C. Carpo gikan sa Patulangon Ancestral Domain; 3rd runner up si Erjan E. Edulsora ug 3rd runner si Fely Rose E. Wabe sa Lambago Ancestral Domain.

 

Samtang, Best Pair ang Nahilaran Ancestral Domain ug Best Ethnic Attire ang Tacatcu Ancestral Domain.

 

Lakip sa maong pageant ang pagpasundayag sa traditional attire sa mga candidates ug pagpasadunyag sa mga IPs sector sa ilang nagkadaiyang traditional dance.

 

Sa laing bahin, mitambong sa kalihokan sila si City Administrator Atty. Roy Hilario Raagas kinsa mirepresentar ni Mayor Klarex Uy, Atty. Ricardo Mateo kinsa hearing officer sa National Commission on Indigenous Peoples (NCIP)- X, City Councilor Moreno “Jing” Daba IV, kanhi City Councilor Suzette Magtajas-Daba kinsa naghatag og 5-kilo nga bugas, City Councilor Antuy Roa-Pascual, City Social Welfare and Development Head Annie Tongson, Barangay Tumpagon Punong Barangay Cecilio Dagsaan.

 

Nasayrang ang maong pageant inisyatiba sa City Social Welfare and Development Department- Indigenous Peoples section ubos ni Nena “Bae Rose” Lumandong uban sa buhatan sa City Indigenous Mandatory Representative City Councilor Roberto “Datu Makilala” Cabaring.

 

Kini gipahigayun alayon sa kasaulogan sa Higalaay Festival, Oro Youth month ug International Day of the World's Indigenous Peoples nga ginasaulog matag Agosto 9. (NLB/CIO/photos by Reynan Baylin and Roel Felicitas/CIO) #HigalaayFestival2025 #TheFriendliestFestival