SA tinguha nga mas mahatagan og igong kapasidad ug kahanas pagdumala sa ilang tagsa-tagsa ka organisasyon, gitigom ning syudad ubos sa administrasyon ni Mayor Rolando `Klarex’ Uy ang nagkadaiyang CDO LGU-led Homeowners Associations (HOAs) sa City Tourism Hall Agosto 10, 2025.

 

Ang kalihokan nga ubos sa inisyatiba sa City Housing and Urban Development Department (CHUDD) sa pagpangulo sa ilang acting department head John Asuncion gitambongan sa mga HOA officials gikan sa mga relocation sites sa syudad.

 

Gipasabot sa CHUDD nga ang katiguman usa ka regular nga kalihokan sa CHUDD alang sa mga HOAs aron ma-update ug mas matarong pa nila ang nagkadaiyang reporting nga basi sa mga gabayan gikan sa Department of Human Settlement and Urban Development (DHSUD).

 

Nasayran nga adunay mga HOAs nga wala pa gihapon niini nakuha ang insakto nga reporting sama sa financial ug sa pagdumala og mga meeting sa ilang organisasyon. (ALR/CIO/Photos from CHUDD)