MAS gipaduol pa sa kabarangayan ang serbisyo sa City Improvement Division (CID) ning syudad dihang gidala mismo sa maong barangay ang Pre-Marriage Orientation and Counseling (PMOC) sa Brgy Mambuaya, Agosto 12 ning tuig.

 

Anaa sa 12 ka mga magti-ayon gikan sa maong barangay ang nakapahimulos sa PMOC agig pagpangandam usab sa pagbalik sa Kasalan sa Bayan program ni Mayor Klarex Uy sa bulan sa Septiyembre.

 

Gipangulohan mismo ni Mr. Honorio G. Diputado, OIC-CID, ang maong kalihokan nga gisundan usab sa paghisgot sa mga planong pampamilya, paghatag og mga tambag lakip mga pahimangno. (LRM-CIO/CID photos)