NAGPAHIGAYON sa ilang regular nga clean-up drive ang Hapsay Sapa Team ubos sa administrasyon ni Mayor Rolando `Klarex’ Uy diha sa Bitan-ag Creek sa Barangay 36 section kilid sa Ma. Reyna Hospital, Miyerkules Agosto 13, 2025.

 

Gipasabot ni Hapsay Sapa focal person Patrick Gabutina nga bisan pa man sa nagkadaiyang hagit nga giatubang sa Team diha sa pag-atiman sa Bitan-ag Creek gihingusgan ug gipaningkamotan sa grupo uban sa suporta ni Mayor Klarex nga malimpiyo ang creek.

 

Sa makausa pa, kanunay giaghat sa Hapsay Sapa Team ang katawhan ilabina ang mga nanimuyo palibot ug duol sa Bitan-ag Creek nga likayan ang paglabay og basura diha sa creek hinuon magsinabtanay ug magtinabangay nga suportahan ang programa kay alang man kini sa kaayohan sa tanan. (ALR/CIO/Photos from Hapsay Sapa)