Atol sa Klarex nga Serbisyo sa Baryo (KSB) sa Barangay Taglimao adlaw'ng Sabado (Agosto 16), gipahibalo ni Mayor Rolando 'Klarex' Uy nga iyang iduso ang pagpalabang sa ordinansa aron mahatagan og P7,000 medical allowance ang mga regular nga trabahante sa City Hall.

 

Tumong niini nga lakang mao ang paghatag og bili sa kahimsog sa mga empleyado nga nagserbisyo sa katawhan.

 

Gisulti usab ni Mayor Klarex nga adunay pagtaas sa sweldo ang mga trabahante sa City Hall nga epektibo sugod sa bulan sa Septiyembre ning tuig.

 

Dugang pa niini, makadawat usab og P3,000 Charter Bonus ang mga kawani sa city hall, subay sa ordinansa nga maglatid nga matag lima (5) ka tuig adunay bonus nga madawat ang mga empleyado. (MDS/CIO/Photos by: Roel Felicitas & Jhoanne Abejo/CIO)