ANAA sa dili moubos 8,000 ka mga tawo ang misaksi sa Dep Ed PE Rythmic Competition nga gipahigayon sa Pelaez Sports Center karong adlawa, Agosto 25.

 

Taliwala sa pagbundak sa ulan, puno sa kasadya ug kabibo ang gipakita sa 10 ka mga contingents gikan sa nagkalain laing tunghaan ning syudad nga misalnot sa maong kompetisyon.

 

Kini kabahin usab sa pagsaulog sa Higalaay Festival agig pagpasidungog usab kang Sr San Agustin, ang patron sa Cagayan de Oro.

 

Basi sa datus sa Incident Management Team sa City Disaster Risk Reduction and Managament Council malinawon ug hapsay ang pagtibawas sa maong kalihukan bisan pa man sa ulan.

 

Subay niini, mapasalamaton si Mayor Klarex Uy sa partisipasyon ug kooperasyon sa tanan ilabina sa mga kabataan ug mga ginikanan ingon man mga magtutudlo ug sa Department of Education sa ilang makanunayong suporta sa mga kalihokan sa Higalaay Festival. (ACM/ CIO Photos Kim Zaldivar)