GIDAPIT sa Public Employment Service Office - Cagayan de Oro ang katawhan nga nangitag trabaho nga mosalmot sa gipahigayon nga Higalaay Mega Job Fair 2025, sugod alas 8:00 sa buntag kutob alas 5:00 sa hapon diha sa University of Science and Technology of Southern Philippines gymnasium, karong adlawa, Agosto 26, 2025.

 

Kini agi'g pagsaulog sa kapistahan ni Senyor San Agustin, diin dili lang kalingawan ang gi-andam sa Higalaay Festival Committee sa pagpangulo ni City Mayor Rolando ‘Klarex’ Uy, apan lakip na usab ang ‘employment opportunities’ alang sa mga job hunters.

 

Ang ‘Higalaay Mega Job Fair 2025’ gipaluyohan sa kagamhanang lokal pinaagi sa Public Employment Service Office – CDO, uban sa hugot nga suporta sa USTP, Department of Labor and Employment ug Department of Migrant Workers.

 

Gi-awhag sa PESO-CDO ang tanang mga interesadong job applicants nga mag ‘pre-register’ pinaagi sa link: https://bit.ly/cdojobfair

o i scan ang QR code sa ubos. (AGP/Photos by Romel Edadis/PESO CDO)