MALAMPUSONG gitapos ang Kasadya: Oro Youth month, Septiyembre 1, diha sa City Tourism Hall, ning siyudad.

 

Atol sa kalihokan, gisaysay ni Sangguniang Kabataan (SK) Federation President - Cagayan de Oro City Kenneth John Sacala ang iyang ikaduhang State of the Youth Address diin siya misaad nga maningkamot sa pagsulbad sa mga isyung nag-una sa mga kabataan sama sa teenage pregnancy, HIV cases, mental health concerns ug uban pa.

 

“Ladies and gentlemen, although we may not be able to solve every issue right away, please know that we are fully committed to tackling them head-on and will give our best, and will surely continue to engage in every discussion and in finding solutions to address these concerns,” saysay ni SK Fed CDO President Sacala.

 

Nahimong mahinungdanon ang maong kasaulogan human tuyo nga midalikyat si SK National President Commissioner Carol Julian “CJ” Dalipe ug nangulo sa pagpanumpa sa pledge of commitment sa mga newly registered Oro youth organizations.

 

Sa laing bahin, gihatagan usab sa special recognition ang exemplary organizations, 15 youth organizations ug mga partner offices.

 

Nanumpa usab ang mga bag-ong Pag-asa Youth Association of the Philippines (PYAP) atubangan ni SK Fed CDO President Sacala.

 

Nasayrang ang Kasadya: Oro Youth month gipahigayun sa tibuok bulan sa Agosto. Kini gipangulohan sa Oro Youth Development Office pinangunahan ni OYDO Officer-in-Charge Lord Saver “Vhaugne” Centina ug Sangguniang Kabataan Federation-Cagayan de Oro kansang tumong ang paghatag og atensyon ug pagsaulog sa mga kabatan-onan ning siyudad. (NLB/CIO/photos by Jhoanna Abejo, Marck Laurente and Nica Borja/CIO)