GISUGDAN na ang orientation alang sa Bakuna Eskwela Program sa duha ka pampublikong tunghaan sa dakbayan karog bulan sa Septiyembre ug gipahigayon kini sa Camaman-an National High School niadtong Sabado, Septiyembre 6, ug sa Bulua Central School niadtong Lunes, Septiyembre 8, ning tuig.

 

Ang aktibidad gipangulohan sa City Health Officer Dr Rachel D. Dilla uban ang Department of Health.

 

Nakig-alayon usab ang Department of Education-Cagayan de Oro nga gipangulohan ni Schools Division Superintendent Dr. Roy Angelo Gazo uban sa Parents-Teachers Association aron palig-onon ang commitment sa kaluwasan ug panglawas sa kabataan.

 

Gipasabot usab ang kamahinungdanon sa pagbakuna isip proteksyon batok sa nagkalain-laing sakit. Tumong sa lokal nga kagamhanan ubos sa liderato ni Mayor Rolando 'Klarex' Uy nga hatagan ug lig-on ug himsog nga panglawas ang mga estudyante aron malikay sa bisan unsang klase sa sakit samtang nagpadayon ang tuig sa ting-eskwela. (MDS/CIO/Photos Courtesy to City Health Office)