NAGPADAYON sa ilang matag adlaw nga clearing operation ang Road and Sidewalk Clearing Unit (RASCU) sa Roads and Traffic Administration (RTA) ning syudad ubos sa administrasyon ni Mayor Rolando `Klarex’ Uy palibot sa Cogon Market.

 

Ubay-ubay ka mga baligya ang na-confiscate sa team gikan sa mga sidewalk/ ambulant vendors nga namaligya sa wala gitugot nga mga dalan ingon man mga motorista nga nakasupak sa balaod trapiko ug ordinansa sa syudad ang naisyuhan og citation ticket.

 

Una nang nagpahimangno si Mayor Klarex sa mga sidewalk/ambulant vendors nga dili na mamaligya sa wala gitugot nga mga area ilabina sa dalan JR Borja, Osmeña ug Capt. Vicente Roa.

 

Hinuon, pipila na lang nga mga sidewalk/ambulant vendors ang nagpabilin nga nagmasupakon sa balaod sa syudad. (ALR/CIO/Photos from RASCU/RTA)