MALAMPUSONG gipahigayon sa Office of the City Human Resource Management Officer pinangulohan ni Xsyclyn Faith “Kansai” Lumbatan ang wellness fair alang sa mga city hall employees, Septiyembre 10, diha sa City Tourism Hall, ning siyudad.

 

Libreng serbisyo ang natagamtagaman sa mga kawani sama sa general medical check-up, eye check-up, dental check-up, psychosocial services, hair trim ug massage.

 

Gani sa unang higayun, gitanyag usab ang crochet workshop ug chair yoga sa pipila ka empleyado.

 

Ang maong wellness fair alayon sa pagsaulog sa 125th Philippine Civil Service Anniversary diin tumong niini ang pagdasig ug paghatag importansya sa pagpangga sa kaugalingon ilabina usab nga gisaulog karong adlawa (Spetiyembre 10) ang World Suicide Prevention Day.

 

Kini gipaluyohan sa City Health Office, City Health Insurance Office, JR Borja General Hospital, City Disaster Risk Reduction Management Department, Community Improvement Division, City Social Welfare and Development Department- Psychosocial Division ug Nature’s Spring. (NLB/CIO/photos by Kim Zaldivar/CIO). #PCSA2025