GITUKI atol sa gipahigayon nga committee hearing sa Committee on Cooperative, Labor and Employment sa pagpangulo ni City Councilor Gilda Go, ang giduso ni City Councilor Maximo Rodriguez III nga lokal nga ordinansa pag-mugna og Barangay Employment Assistance Desk o BEAD, Septyembre 11, 2025.

 

Gipresentar ni Councilor Rodriguez ang kamahinungdanon ug mga benipisyo sa maong ordinansa alang sa katawhan, sa barangay, sa syudad ug sa tibuok komunidad aron sa hapsay nga proseso ug sistema sa paghatag kahigayonan sa mga programa sa pagpanarbaho ug panginabuhian.

 

Mitambong sa committee hearing ang mga kadagkoan gikan sa Department of Labor and Employment Cagayan de Oro Field Office, TESDA, Public Employment Service Office sa pagpangulo ni PESO Manager Kathleen Kate Sorilla ug City Legal Office.

 

Tinguha sa maong ordinansa nga mapakusgan pa ang programa lambigit sa Barangay Assistance Desk sa paningkamot sa PESO-CDO, DOLE CDO uban ang suporta sa mga kabarangayan. (AGP/Photo PESO CDO)