GITUNOL sa city scholars ning syudad ang learning kits sa mga estudyante sa Migtugsok Mobile School ug Camansi Integrated School, Septiyembre 10 ning tuig agig tabang nga makabaton og kasayon sa edukasyon ang mga kabataan sa kabukiran.

 

Gawas niini, nag apod-apod usab og 3-kilo nga bugas gikan ni Mayor Klarex Uy alang sa 120 ka mga estudyante sa Migtugsok Mobile School samtang 80 usab ka tag 3 ka kilo nga bugas sa Camansi Integrated School.

 

Kauban usab ang Aboitiz Foundation Inc., kinsa misusi sa tunghaan alang sa posibleng pagbutang og solar panels, internet connection ingon man ang paghatag og flat screen television set.

 

Ang maong donation nahimong posible pinaagi sa City Education and Development Office uban sa tabang sa City Mayor’s Office, Department of Education - Division of Cagayan de Oro City pinangunahan ni City Schools Division Superintendent Dr. Roy Angelo Gazo, Department of Social Welfare and Development Region X, City Social Welfare and Development, Agricultural Productivity Operations Office, Silver Eagles Club, ug Virginia Foods Inc. (NLB/CIO/photos courtesy of CEDO)