MALAMPUSON nga gipahigayon ang duha ka adlaw nga communication skills training nga gitawag og 'Laraw: A Training Workshop on Social Media Storytelling through Lens and Design', Septiyembre 11-12 inabagan sa University of Science and Technology ug Department of Information and Communications Technology (DICT), Misamis Oriental Office.

 

Kini nga kalihokan usa ka inisyatiba sa City College of Cagayan de Oro nga gipangulohan ni Dr. Jestoni P. Babia ug gisuportahan sa City Information Office nga gipangulohan ni Acting City Information Officer Jade A. Adeser.

 

Mihatag sa ilang kahibalo ug kahanas si David Moncada, faculty member sa University of Science and Technology of Southern Philippines nga nagtudlo sa Media and Information Literacy, ingon man si Roderic Constantino ug Jhon Carl Balanza sa City Information Office.

 

Sa iyang mensahe, gipasalig ni Acting City Information Officer Jade Adeser nga daghan pang training ang giandam sa City College ug CIO alang sa mga kawani sa kagamhanang lokal aron sa mas hapsay nga pagpaabot sa impormasyon ngadto sa katawhan. (MDS/CIO Photos by Jhonne Abejo, Iren Fuentes/ Photo Courtesy to City College of Cagayan de Oro)