GIPASIDUNGGAN ang City Health Office pinaagi sa City Nutrition Committee sa natad sa nutrisyon sa Department of Health Center for Health Development – Northern Mindanao (DOH CHD-NM), Septiyembre 10, diha sa Pearlmont Inn, ning siyudad.

 

Lakip sa special award sa nutrisyon mao ang pagkab-ot sa sobra 95% sa mga bag-ong himugso nga bata nga direktang nakasuso sa inahan sulol sa usa ka oras sa pagpanganak sa tuig 2024 ingon man ang pag-apodapod og Vitamin A Supplementation Coverage sa mga bata nga nag-edad og 5 anyos paubos.

 

Mismo si Family Health Cluster (FHC) Focal Dr. Aleta Santos ug City Nutrition Action Officer Caroline Cabunoc ang midawat sa maong awards.

 

Ang maong awards gitunol atol sa Regional FHC Consultative Meeting and Program Updates sa mga LGUs ug Stakeholders sa Northern Mindanao kansang tinguha ang pag-ila sa paningkamot sa mga local government units sa pag-promote sa family health, nutrition, ug overall well-being sa tibuok rehiyon. (NLB/CIO/photos courtesy of CNC)