MOKABAT 220 ka mga opisyal ug board of directors sa Homeowners Association (HOAs) gikan sa nagkadaiyang relocation sites ning syudad ang misalmot sa Trainer’s Training on the Duties and Responsibilities nga gipasiugdahan sa syudad sa administrasyon ni Mayor Rolando `Klarex’ Uy pinaagi sa City Housing and Urban Development Department (CHUDD) Biyernes Sept. 12, 2025.

 

Ang tunga sa adlaw nga kalihokan gipahigayon diha sa City Toursim Hall uban sa mga kadagkuan sa Department of Human Settlement and Urban Development (DHSUD).

 

Si CHUDD acting department manager John W. Asuncion mipasabot nga tumong sa nasangpit nga kalihokan nga masayran sa mga HOA officials ang ilang katungdanan ug responsibilidad ingon man aron usab mapalig-on sa mga HOA officers ang ilang organisasyon ug matubag ug maatiman ang unsa man nga mga problema sa ilang mga miyembro. (ALR/CIO/Photos by Reynan Baylin/CIO)