MALAMPUSONG gipahigayun sa Office of the City Human Resource Management Officer ang 2nd Inter-agency Dragon Boat Race, Septiyembre 14, diha sa Isla de Oro, ning siyudad.

 

Migulang kampyeon ang Task Force Oro, unit sa Philippine Army's 4th Infantry (Diamond) Division (4ID) kinsa midawat og plaque of appreciation ug cash prize nga balor og P10,000; samtang 1st runner up ang Philippine Coast Guard kinsa midawat og plaque of appreciation ug cash prize nga balor og P7,000; ug 2nd runner up Cagayan de Oro City Police Office kinsa midawat og plaque of appreciation ug cash prize nga balor og P5,000.

 

Nasakmit usab ubos sa special awards ang Early Bird award sa Philippine Statistics Authority Region X ug Best Team Chant ang Bureau of Fire Protection Region X.

 

Lakip sa mga misalmot sa dragonboat race ang Bureau of Customs Region X, Civil Service Commission Region X, Philippine Statistics Authority Region X, Philippine Coast Guard, Bureau of Fire Protection X, Bureau of Jail Management and Penology Region X, Cagayan de Oro City Police Office, Department of Social Welfare and Development Region X, LGU-CDO ug Task Force Oro.

 

Sa laing bahin, misaksi sa kalihokan sila si Chief of Staff ug HRMD Overseer Sheila Lumbatan kinsa mirepresentar ni Mayor Klarex Uy, Office of the City Human Resource Management Officer Department Manager Xsyclyn Faith “Kansai” Lumbatan ug Oro - Trade and Invesment Promotions Center Chief John Asuncion kinsa usa sa main partner sa HRMD alang sa maong kalihokan.

 

Nasayrang ang Dragonboat sport giilang garbo sa siyudad human gipadala ang Barangay Carmen Dragon Boat Team aron mag-representar sa nasud sa 2024 ASEAN Dragon Boat Festival. Kini usab garbo sa tibuok nasud ingon man ang nasud aduna na’y world record.

 

Gani ang 2nd Inter-agency Dragonboat Race usa lamang sa mga kalihokan nga gi-andam sa siyudad alang sa pagdasig sa panag-hiugsa tali sa LGU-CDO ug mga national government agencies isip mga kawani sa gobyerno ning kasaulogan sa 125th Philippine Civil Service Anniversary. (NLB/CIO/photos by Kim Zaldivar/CIO).