MALIPAYONG gipahigayun sa Department of Social Welfare and Development (DSWD) Region X ang “Pugay Tagumpay” kon pagtunol sa case folders sa 3,965 ka mga Pantawid Pamilyang Pilipino Program (4Ps) Beneficiaries kinsa migdrawar sa 4Ps program sa siyudad pinaagi ni Mayor Klarex Uy, Septiyembre 12 ning tuig.

 

Gawas sa case folders, midawat usab og certificate of recognition ang graduates ingon man lima ka kilo nga bugas.

 

Lakip sa misaksi sa turn-over ceremony ang mga sub-committee sa City Inter-agency Committee kon CIAC nga gilangkoban sa nagkadaiyang buhatan sa LGU-CDO, uban sa national government agencies, civil society organizations pinangulohan ni Mayor Klarex.

 

Nasayrang ang 4Ps nga migradwar atimanon sa syudad pinaagi sa paghatag kanila og oportunidad, mga programa ug serbisyo sa siyudad uban sa tabang sa nagkadaiyang partner agencies aron ma-sustenir ang ilang panginabuhian. (NLB/CIO/photos courtesy of MKU PR Team)