GARBO sa City College of Cagayan de Oro (CCCDO) sa pagpangulo ni City College President Dr Jestoni Babia ang pagpasiugda sa Memorandum of Understanding (MOU) kauban ang mga nag-una nga local ug international universities aron mas mapalapad ug mapalig-on ang climate change education pinaagi sa innovative lesson planning adlaw’ng Lunes, Septiyembre 15, 2025 nga gipahigayon sa CN Building sa Cebu Technological University (CTU) Main Campus.

 

Ang MOU signing pormal nga nagselyo sa partnership alang sa hiniusang pagpatuman sa ATECCE Phase 2 Cebu Workshop: Lesson Planing for Climate Change: Content, Pedagogy and Assessment.

 

Lakip sa milagda sa maong kasabutan si Dr Babia sa CCCDO; Dr Amor Torres, Vice President for Academic Affairs sa Capitol University; Atty. Rodmarc Sanchez, Executive Assistant IV sa Cebu Technological University; Dr. Hiroki Fuji, Director of the ESD Promotion Center sa Okayama University, Japan; ug Dr. Tomonori Ichinose, Professor sa Miyagi University of Education, Japan.

 

Misaksi sa MOU signing ang basic institutions ug higher institutions sa Cebu nga misalmot usab sa three-day workshop, uban sa microcredentials team sa CCCDO, diin nagpamatuod lamang sa leadership sa City College sa pagpasiugda sa green education initiatives.

 

Kini nga mga inisyatiba hingusganong nahisubay sa United Nations Sustainable Development Goals (SDGs), ilabina sa SDG 4 (Quality Education), SDG 13 (Climate Action), ug SDG 17 (Partnerships for the Goals).

 

Pinaagi sa local participation ug international expertise, ang ATECCE Phase 2 Cebu Workshop nagpamatuod lamang sa leadership sa CCCDO sa pagpalambo sa Education for Sustainable Development (ESD) ug climate resilience sa nasud. (ACM/Photos by CCCDO)