GISUGDAN na karong adlawa, Septiyembre 16, 2025 sa Balulang Elementary School ang Bakuna-Eskwela o school-based immunization program sa tuyo nga mahatagan og proteksyon ang mga tinun-an batok sa mga sakit nga mahimong malikayan pinaagi sa pagpapamakuna.

 

Laraw sa Bakuna-Eskwela nga mahatagan og bakuna ang Grade 1 pupils ug Grade 7 students batok sa mga sakit nga measles-rubella ug tetanus-dipterya, samtang alang usab sa mga grade 4 pupils nga mga babaye mahatagan og bakuna batok sa sakit nga Human Papilloma virus ug Cervical cancer.

 

Molungtad ang Bakuna-Eskwela hangtud Oktubre ning tuig sa mga pampublikong tunghaan.

 

Ang School-based immunization program gipaluyohan sa hiniusang pwersa sa kagamhanang lokal sa Cagayan de Oro pinaagi sa City Health Office, Department of Health, Department of Education, Barangay Health Centers ug mga ginikanan. (AGP/Photos by Iren Fuentes/CIO)