TUNGOD sa dakong kontribusyon sa mga mag-uuma hinungdan nga adunay pagkaon ang katawhan, gipalig-on usab sa syudad ilawom sa administrasyon ni Mayor Rolando `Klarex’ Uy ang kahimtang sa mga mag-uuma.

 

Kini ang hinungdan nga adunay regular nga livestock ug poultry dispersal ang kagamhanan sa Cagayan de Oro pinaagi sa City Veterinary Office nga gipangulohan ni City Veterinarian Dr. Helen Ann Tacandong.

 

Dili pa lang dugay pipila ka mga mag-uuma sa Barangay Tignapoloan ang nahatagan og kabayo nga ilang magamit sa panginabuhi ug matag adlaw nga kalihokan sa pagpanguma.

 

Una nang gipadayag ug gihangyo ni Mayor Klarex ang kadagkuan sa City Vet nga magpahigayon og regular nga livestock ug poultry dispersal dili lang sa mga mag-uuma apan ngadto sa mga benepisyaryo nga naninguha nga mapalambo ang ilang panginabuhi sa pagpanguma. (ALR/CIO/Photos from City Vet)