LIBRENG Ballroom dancing classes ubos sa health and wellness program sa siyudad gilusad sa kagamhanang lokal alang sa city hall employees, adlaw’ng Huwebes, Septiyembre 18.

 

Ang maong programa ipahigayun matag Huwebes sa hapon (3:00 pm - 6:00 pm) diha sa City Tourism Hall.

 

Ang maong programa inisyatiba sa Office of the City Human Resource Management Officer ubos sa pagpangulo ni Xsyclyn Faith “Kansai” Lumbatan ug Cagayan de Oro City Sports pinangulohan ni City Sports Coordinator Allby Cris “Beng” Waga.

 

Kini alayon sa RISE CDO Agenda ni Mayor Klarex Uy ubos sa letrang S kon Security, Safety and Human Development kansang tumong ang mahatagan sa panahon nga mag-relax ang mga empleyado taliwala sa ilang busy schedule. (NLB/photos by Iren Fuentes/CIO)