UBAY-UBAY ka mga pet owners ang nakapahimulos sa libre nga spay and neuter sa City Veterinary Office nga gipahigayon diha sa Limketkai Center, Huwebes Oktubre 2, alayon sa kasaulogan sa World Rabies Day 2025.

 

Ang kalihokan gibuksan sa usa ka simple ug mubong programa diin mihatag sa ilang mensahi sila si City Veterinarian Dr. Helen Ann Tacandong, ug Dr. Darryl Rasay, assistant dep’t manager.

 

Ilang gipasalamatan ang mga pet owners nga mipahimulos sa programa sa syudad ilawom sa administrasyon ni Mayor Rolando `Klarex’ Uy nga hugot nga nasuporta sa animal welfare.

 

Nunot niini, dako ang pasalamat sa mga kadagkuan sa City Vet kang Mayor Klarex nga kanunay nagsuporta sa mga programa ug panginahanglanon sa ilang buhatan.

 

Lakip sa gipasalamatan sa City Vet ang tanang mga partners ug sponsors sa ilang walay puas nga tabang sa tanang mga kalihokan ug programa sa syudad. (ALR/Photos by Reynan Baylin/CIO)