MAKUTING gituki atol sa gipahigayon nga 'Post Training Activity on Risk Communication Planning' sa syudad ang paghan-ay sa mga batakang impormasyon sa dili pa, sa panahon, ug sa paghuman mohapak ang katalagman (basic information before, during and after calamities) nga angayang masayran sa publiko ug sa bulnerableng sektor.

 

Ang risk communication planning natigayon adlaw’ng Miyerkules, Oktubre 15, 2025 sa pagpanguna sa City Disaster Risk Reduction and Management Department.

 

Ang maong kalihokan sumpay sa gihimo nga 'pre-workshop' niadtong Septiyembre 7, ug upat ka adlaw usab nga pagbansay paghimo sa risk communication plan niadtong Septiyembre 22-25 ning tuig nga aktibong gisalmotan sa nagkadaiyang personahe sa city hall, representante gikan sa pundok-sibiko, nasudnong ahensya, academe, ug sa pipila ka barangay.

 

Naninguha si CDRRMD Chief Nick Jabagat nga ma-institutionalize ang maong 'Risk Comm Plan' (RCP) pinaagi sa pagduso sa CDRRM council sa maong plano karong Disyembre ingon man ang hingpit nga pagsagop niini sa 21st City Council.

 

Nalatid sa gihimong RCP ang malangkubon nga pag-edukar sa katawhan sa dili pa, sa panahon, ug pagkahuman sa paghapak sa katalagman sama sa sunog, EREID (emerging and re-emerging infectious diseases), road-crash incidents, linog ug baha. (AGP/Photos by Kim Zaldivar/CIO)