MIPAUBOS sa occupational first aid training ug fire drill orientation ang 30 ka mga safety officer sa matag buhatan sa City Hall, Oktubre 16, 2025 sa Tourism Hall, ning syudad.

 

Ang kalihokan gipaluyohan sa City Disaster Risk Reduction and Management Department isip kabahin sa mga pagpangandam sa matag opisina panahon sa emerhensiya.

 

Giawhag usab ang mga designated safety officers sa hugot nga pagtuman sa ilang kaakohan ingonman usab ang pagpahinumdom sa kaubang mga kawani nga mahimong andam panahon sa katalagman. (AGP/Photos by Jhoanne Abejo and CDRRMD)