Sa tuyo nga mahatagan og katin-awan ang publiko kalabot sa isyu sa basura ug estado sa gihimong lakang sa administrasyon ni Mayor Klarex Uy sa pagkolekta sa basura, nagpahigayon ang mga sakop sa Task Force Basura Special Operations Team og usa ka online press briefing, adlaw’ng Biyernes, Oktubre 17 diha sa City Information Office (CIO) studio.

 

Lakip sa milingkod isip panelists mao sila si Kagawad Enrico Salcedo, chairman sa Committee on Environment; Kagawad Marlo Tabac, president sa Liga ng mga Barangay; City Engineer Joel Momongan; Elvisa Mabelin, acting Department Manager sa City Local Environment and Natural Resources Office (CLENRO), ug Jade Adeser, acting Department Manager sa City Information Office. (Photos by Jhoanne Abejo/CIO)