MALAMPUSON nga napahigayon ilawom, sa administrasyon ni Mayor Rolando `Klarex’ Uy, pinaagi sa City Veterinary Office ang 1st Meat Forum nga gitambongan sa mga meat vendors gikan sa kamerkaduhan ning syudad bag-ohay lamang.

 

Si Dr. Darryl Rasay, assistant department manager sa City Veterinary Office namahayag nga ang mga partisipante gikan sa merkado sa Cogon, Carmen, Agora, ug Puerto.

 

Ang kalihokan alayon sa 32nd Meat Safety Consciousness Week diin lakip sa mga gihisgutan ug gipasabot sa mga meat vendors ang kalabot sa pag-handle sa ilang baligya nga karne aron masiguro kini nga limpyo ug luwas nga mapalit sa mga konsumidor.

 

Alayon niini, gipasalamatan sa mga kadagkoan sa City Vet si City Councilor Dr. Paolo Gaane, chairman sa Committee on Health nga mitambong sa maong kalihokan ug mihatag sa iyang mensahe.

 

Mitambong usab si Dr. Jess Anthony Recososa, Senior Meat Control Officer, National Meat Inspection Service – Region 10. (ALR/Photos by Reynan Baylin/CIO)