MIBIDA sa ilang nagkalain-laing ani ug gama ang mga mag-uuma gikan sa Kamakawan Gusa Farmers Association ug Masigasig Farmers Association atol sa gipahigayong Klarex nga Serbisyo ni Mayor Klarex Uy diha sa Barangay Kauswagan, adlwa'ng Sabado, Oktubre 25 ning tuig. ‎ ‎

 

Lakip sa gibaligya mga gulay, prutas, root crops, processed goods sama sa atsara ug mushroom chili paste.

 

Samtang libreng gitunol usab sa CAPOO ang mga binhi (seedlings) sama sa Nangka, Abana, ug Cacao kung diin miabot ug 111 ka tawo ang nakapahimulos niini. ‎

 

Kini nga inisyatiba gitawag og Klarex nga Merkado sa Baryo sa City Agricultural Productivity Operations Office kon CAPOO arron matabangan ang mga mag-uuma matag baryo nga maka-generate ug income ingon man mailhan ug mapalit usab sa ilang mga ani o gama. (LRM/CIO photos by Jhoanne Abejo and Tyrone Balhon)