MIPAKIT si Mayor Klarex Uy sa iyang hugot nga suporta sa scholar leaders ning siyudad atol sa KATIG Scholars’ Camp Wave 4, adlaw’ng Sabado, Oktubre 25, diha sa Country Village Hotel, ning siyudad.

 

Gipasabot ni Mayor Klarex nga ang edukasyon magpabiling usa sa prayoridad sa iyang administrasyon.

 

Sigun pa ni Mayor Klarex, diha makita sa kabatan-onan nga nakatapos sa pagtuon ang masanag nga kaugmaon sa dakbayan.

 

Gawas sa iyang mensahe, migahin usab si Mayor Klarex sa iyang kaagi isip usa ka lider ug mga ‘tips’ aron mahimong usa ka epektibo nga lider.

 

Mikabat sa 50 ka mga scholar leaders gikan sa nagkalain-laing tunghaan ug school-based organizations ang misalmot sa KATIG.

 

Sumala ni City Education and Development Office (CEDO) Department Manager Richel Petalcurin-Dahay, sila gi-organize sa matag barangay ug tunghaan isip “strong volunteer force“ sa siyudad aron masuportahan ang mga programa sa gobyerno ug madasig ang responsible citizenship tali kanila.

 

Ang KATIG Scholars Camp usa ka tinuig nga kalihokan sa City Education and Development Office (CEDO) pinangulohan ni CEDO Department Manager Richel Petalcurin-Dahay diin ang mga scholar leaders mipalawum sa team building games, talks ug uban pa.

 

Tumong niini nga mabaid ang leadership skills sa scholar leaders ug makamugna og partnership sa matag usa alang sa mga umaabot nga proyekto. (NLB/photos courtesy of MKU PR Team, Nica Borja and Roel Felicitas/CIO).