MALIPAYON ang 751 ka molupyo sa Barangay Macabalan human nakadawat sa People’s Day Program ni Mayor Klarex Uy, Oktubre 27, diha mismo sa Barangay Macabalan Covered Court, ning siyudad.

 

Usa sa nakabenepisyo niini si Leonie Narabay, kinsa nag-antos sa Diabetes ug naputlan na og tiil. Dako ang pasalamat ni Leonie kang Mayor Klarex human nakadawat og medical assistance.

 

“Malipayon ako nga first time, nakatagamtam ko sa serbisyo sa People’s Day. Salamat kaayo sa iyang gihatag nga medical assistance. Daghang Salamat, Mayor Klarex Uy. Dako kini og ikatabang sa akong kahimtang karon,” saysay ni Narbay.

 

Gisugdan ang People’s Day pinaagi sa flag raising ceremony pinangunahan sa Barangay Macabalan council ubos sa pagpangulo ni Punong Barangay Saniel Raypon kinsa mainit nga mi-abiabi sa mayor kauban ang 21st city council ug ang tibuok buhatan sa city hall.

 

Lakip sa batakang serbisyo nga gidala sa city hall ang libreng check-up, tambal, lima ka kilo nga bugas, wheelchair ug pagtubag sa inquiry kabahin sa scholarship, job application, late birth registration, renewal of business permit ug uban pa.

 

Sa laing bahin, mitambong usab sa People’s Day si City Councilor Atty. Edgar Cabanlas, City Councilor Dok Paolo Nicolo Gaane, City Gouncilor Enrico Salcedo, ug City Councilor Alam Lim.

 

Ang People’s Day mobisita sa kabarangayan matag ikaduha hangtud ikaupat nga Lunes matag bulan. (NLB/photos by Jhoanne Abejo and Roel Felicitas/CIO)